कान्तिपुर समाचार अप्डेट
प्रभु बैंकको केन्द्रीय कार्यालयमा सीआईबीको छापा, कागजात नियन्त्रणमा
नेपाल प्रहरीको केन्द्रीय अनुसन्धान ब्यूरो (सीआईबी)ले प्रभु बैंकको केन्द्रीय कार्यालयमा शनिबार बिहान छापा मारेको छ।
जाँचबुझ आयोग र प्रहरी संवादको बाटोमा
२३ र २४ भदौका घटना जाँचबुझ गर्न बनेको आयोग र नेपाल प्रहरीबीच दूरी बढे पनि समाधानको बाटो निस्केको छ । जेन–जी आन्दोलन र भोलिपल्ट भएको उपद्रोमा फिल्डमा खटिएका प्रहरी अधिकारीहरूको विवरण प्रहरीले उपलब्ध गराउन थालेको छ ।
पूर्वमन्त्री आफताव आलमको मृत्यु
नेपाली कांग्रेसका नेता एवम पूर्वमन्त्री मोहम्मद अफताव आलमको मृत्यु भएको छ । एक महिनादेखि सिनामंगलस्थित काठमाडौं मेडिकल कलेजमा भर्ना भएका आलमको स्वास्थ्य अवस्था खराब भएपछि भेन्टिलेटरमा राखेर उपचार भइरहेका थियो ।
नेपाल फर्किँदै गरेका दुर्गा प्रसाईंलाई भारतको अध्यागमनले रोक्यो, ४० मिनेट केरकारपछि छोडियो* [अपडेट]
मेडिकल व्यवसायी दुर्गा प्रसाईंलाई भारतबाट नेपाल फर्किँदै गर्दा भारतीय अध्यागमनका अधिकारीहरुले ४० मिनेट केरकार गरेर छोडिदिएका छन् ।
अन्तर्राष्ट्रिय जेसीजको उपाध्यक्ष थापा निर्वाचित
अन्तर्राष्ट्रिय जेसीजको उपाध्यक्षमा रजनी थापा निर्वाचित भएकी छन् ।
हितेन्द्रको मुद्दामा सर्वोच्चले दिएन अन्तरिम, अन्य मुद्दासँगै सुनुवाइ हुने
सर्वोच्च अदालतले नेपाल विद्युत् प्राधिकरणका कार्यकारी निर्देशकबाट हटाइएका हितेन्द्रदेव शाक्यको रिटमा अन्तरिम आदेश जारी गर्न अस्वीकार गरेको छ ।
कोरला नाकाबाट अध्यागमन सेवा सञ्चालन
मुस्ताङ जिल्लाको कोरला अध्यागमन कार्यालयबाट शुक्रबारदेखि सेवा प्रवाह सुरु भएको छ।
चाप बढेपछि आयोगले भन्यो- ‘२० फागुनमा १८ वर्ष पूरा हुने व्यक्तिले मात्रै मतदाता नामावलीमा नाम दर्ता गराउनुस्’
निर्वाचन आयोगले २० फागुनमा १८ वर्ष उमेर पूरा हुने व्यक्तिलाई ३० कात्तिक भित्र मतदाता नामावलीमा नाम दर्ता गराउन आग्रह गरेको छ।
प्रधानमन्त्री कार्कीद्वारा नयाँ पुस्तालाई मतदाता परिचयपत्र बनाउन आह्वान
प्रधानमन्त्री सुशीला कार्कीले नयाँ पुस्तालाई मतदाता नामावलीमा नाम सङ्कलन गरेर आगामी निर्वाचनमा विवेकको मत प्रयोग गर्न आह्वान गरेकी छन्।
लोकतन्त्र द्वन्द्वमा होइन संवादमा बलियो हुन्छ : राष्ट्रपति पौडेल
राष्ट्रपति रामचन्द्र पौडेलले लोकतन्त्र द्वन्द्वमा नभई संवादमार्फत बलियो हुने बताएका छन्। प्रतिनिधिसभाका सभामुख, उपसभामुख, राष्ट्रियसभाका अध्यक्ष, उपाध्यक्ष तथा प्रदेशसभाका सभामुख, उपसभामुखसँग आज राष्ट्रपति भवन शीतल निवासमा भएको भेटमा उनले जनताको आवाज सुनेर लोकतान्त्रिक आचारणलाई जीवनमा अङ्गाल्न जरुरी भएको बताए।
धुलो टकटक्याएर सुरक्षण मुद्रण केन्द्र सञ्चालनमा : मन्त्री खरेल
सञ्चार तथा सूचना प्रविधिमन्त्री जगदीश खरेलले सुरक्षण मुद्रण केन्द्रबाट धुलो टकटक्याएर सवारीचालक अनुमति (लाइसेन्स) छपाइ सुरु गरिएको बताएका छन् । शुक्रबार सञ्चार तथा सूचना प्रविधिमन्त्री जगदीश खरेलले काभ्रेको श्रीखण्डपुरमा रहेको सुरक्षण मुद्रण केन्द्रमा प्रिन्टिङ प्रेसको बटन थिचेर औपचारिक रूपमा छपाइको शुभारम्भ गरेका हुन् ।
धमाधम बयान लिँदै जाँचबुझ आयोग, ओली-लेखकको पालो कहिले ?
जेन-जी आन्दोलनका क्रममा भएका घटनाका विषयमा छानविन गर्न बनेको जाँचबुझ आयोगले सम्बद्ध व्यक्तिहरूको धमाधम बयान लिन थालेको छ। आयोगले २३ र २४ भदौका घटनामा केन्द्रीत भएर बयान लिइरहेको हो।
सुरक्षण मुद्रण केन्द्रबाटै ‘लाइसेन्स’ छपाइ सुरु
सरकारले सवारी चालक अनुमतिपत्र (लाइसेन्स) आफ्नै मुद्रण मेसिनबाट छाप्न सुरु गरेको छ । सञ्चार तथा सूचना प्रविधि मन्त्रालयअन्तर्गतको सुरक्षण मुद्रण केन्द्रले आजदेखि लाइसेन्स छाप्न सुरु गरेको हो ।